Kompjuteri tabletë i Apple, iPad 2, tashmë ka filluar të paraqitet në ‘tregun e zi’, ku shitet dyfish më shtrenjtë.
Produkti i ri 16 gigabajtësh dhe me qasje pa kabllo në internet, blihet për 500 dollarë në SHBA dhe transportohet në Hong Kong ku shitet për 1.014 dollarë.
Ky zinxhir i shitjes është shumë mirë i organizuar, ndërsa tregun e zi në Hong Kong e sundon i ashtuquajturi ‘zotëri Lo’.
Vitin e kaluar, ‘zotëri Lo’ kishte shitur në Kinë disa mijëra iPhone 4 dhe versionin e parë të iPad.
Sipas njoftimeve, ai ka siguruar rreth 200 njësi iPad 2 para paraqitjes së produktit në treg, ashtu që ai ka mundur t’ua prezantojë klientëve të tij që nga 13 marsi.