“Ne tash po rritemi gradualisht me rreth një milion anëtarë të rinj të LinkedIn në javë, ka shkruar drejtori ekzekutiv Jeff Weiner në blogun e kompanisë, që do të thotë se në çdo sekondë këtij rrjeti i bashkohet më shumë se një profesionist.

Me bazë në Mountain View të Kalifornisë, LinkedIn zyrtarisht është themeluar në maj të vitit 2003. Ndërsa më shumë se gjysma e anëtarëve, gjegjësisht rreth 56 milionë, gjenden jashtë SHBA-ve. Nga kompania kanë thënë se rritja më e shpejtë vërehet në Brazil, Meksikë, Indi dhe Francë.

Sa i takon përshkrimit të punës, LinkedIn mes tjerash ka njoftuar se ka 997.000 arsimtarë, 1.030 dizajnerë çokollate, 74 imitues të Elvis Presleyt etj.