Tërmeti dhe cunami që kanë goditur Japoninë do të lënë pasoja të mëdha në atë vend, por edhe në ekonominë gjithëbotërore. Disa nga pasojat e menjëhershme po vërehen që tani- për shkak të cunamit disa kompani teknologjike, siç janë Sony dhe Toyota, janë detyruar që përkohësisht t’i mbyllin disa degë të tyre.
Sipas Bloomberg, Sony është detyruar të evakuojë punonjësit nga gjashtë fabrika, të cilat prodhojnë disqe Blu-ray, bateri dhe koka magnetike, për shkak të motit në veriperëndim të Japonisë.
Ndërkohë, Toyota përkohësisht ka mbyllur tri fabrika, Fuji pesë, Nissan katër dhe Honda dy.
Aksionet e këtyre kompanive që tash janë në minus në bursën e Frankfurtit, ndërkaq më keq ka kaluar Honda aksionet e të cilës janë në minus 4.5%.
Panasonic dhe Canon kanë përjetuar probleme më të vogla, ndërsa deri më tani nuk janë detyruar t’i mbyllin fabrikat.