E përditshmja Panorama raportoi të shtunën se ish-zëvendësministri i Ekonomisë, Leonard Beqiri do të thirret sërish për t’u pyetur nga grupi hetimor në lidhje me videon e zbuluar nga eksperti amerikan.

Në këtë video, që është regjistruar në apartamentin e Priftit, ish-ministri shfaqet së bashku me Beqirin duke ndarë një shumë prej 70 mijë eurosh.

Ndërkohë, e përditshmja Shqip njoftoi të shtunën se Prokuroria e Përgjithshme e ka gati vendim-marrjen për regjistrimin Meta-Prifti dhe me gjasë dosja do të kalojë në Gjykatën e Lartë, ku do të zhvillohet beteja ligjore midis dy protagonistëve.