Patroni i Milanit, Silvio Berlusconi, ka deklaruar se po punon për rikthimin e Paolo Maldinit te klubi kuqezi.
Legjenda e Milanit dhe Italisë në vitin 2009 i dha fund karrierës futbollistike pasi kaloi 24 vite me fanellën e Rossonerëve, ndërsa kishte shprehur dëshirë që të angazhohej te stafi i Milanit. Ai madje refuzoi ofertën e Carlo Ancelottit që të punonte si asistent i tij te Chelsea.
Ndërkohë, tani Berlusconi ka thënë se ish-mbrojtësi do të kthehet në San Siro dhe tregoi se Milani tashmë është në bisedime me kapitenin e dikurshëm.
“Planifikojmë ta kthejmë Maldinin, herët ose vonë diçka do të materializohet. Po punojmë për rikthimin e tij në klub”, ka theksuar Berlusconi.