Nate Dogg ka ndërruar jetë mbrëmë në moshën 41-vjeçare në shtëpinë e tij në Long Beach, Kaliforni.
Këngëtari, emri i vërtetë i të cilit është Nathaniel D. Hale, ka vdekur papritmas mbrëmjen e kaluar. Derisa shkaku i vdekjes së tij aktualisht mbetet i panjohur, ai më herët kishte vuajtur nga dy sulme, në vitin 2007 dhe 2008.
Snoop Dogg, i cili e ka njohur Nate që nga shkolla, ka shkruar në profilin e tij në Twitter: “Ne kemi humbur një legjendë të vërtetë të hip-hopit dhe r’n’b. Një prej miqve të mi më të mirë dhe një vëlla për mua që nga viti 1986 kur kam qenë mjaft i paedukuar në shkollë të mesme ku edhe u takuam. Të dua shok. Gjithmonë do të jesh me mua, përgjithmonë”.
Nate bëri debutimin e tij në albumin klasik të Dr.Dre, “The Cronic” në vitin 1992, por shpërthimi i tij i madh erdhi në vitin 1994 me cinglin “Regulate” krahas Warren G, që u pa si një prej këngëve më të suksesshme të të gjitha kohërave në zhanrin G-Funk.
Nate po ashtu ka punuar edhe me reperë si Snoop, Ludacris, Eminem dhe Tupac Shakur. Ai është paraqitur në shumë se 40 singla të cilat kanë debutuar në US Billboard top 40 dhe ka tre albume të tij