Mbrëmë rreth orës 18:00, uebfaqja e Postës Shqiptare (www.postashqiptare.al) është sulmuar nga hakerët serbë, megjithatë hakerët shqiptarë nuk mbetën duarkryq dhe reaguan në këtë drejtim duke sulmuar një faqe serbe.

Hakerët shqiptarë u kundërpërgjigjën duke sulmuar uebfaqen e operatorit celular serb Mobi4You (www.mobi4you.com), e cila ende vazhdon të jetë e kontrolluar nga hakerët shqiptarë. 

Hakerët më parë kishin paralajmëruar shumë uebfaqe shqiptare për siguri të dobët, por duket se kjo nuk kishte kryer punë. Faqja e Mobi4You u sulmua nga dy grupe hakerësh shqiptarë; KHS (Kosova Hackers Security) dhe AHG (Albania Hackers Group).

www.mobi4you.com tani në faqen kryesore ka një fotografi të flamurit të Kosovës dhe Shqipërisë dhe nën të renditen emrat e anëtarëve të grupeve të hakerëve. Ndërsa po të njëjtët hakerë kanë paralajmëruar edhe sulme tjera në ditët në vazhdim.